اسلام آباد: پاکستان کے نمایاں اسلامی بینکوں میں شمار ہونے والے فیصل بینک لمیٹڈ کو نیشنل فورم فار انوائرمنٹ اینڈ ہیلتھ کے سماجی ذمہ داری (سی ایس آر) ایوارڈز میں شاندار کارکردگی پر 8 باوقار اعزازات سے نوازا گیا۔
یہ ایوارڈز ملک بھر میں پائیداری، جامع ترقی اور قابلِ پیمائش سماجی اثرات کے فروغ میں بینک کے نمایاں کردار کا اعتراف ہیں۔
National Forum for Environment and Health (این ایف ای ایچ) کی جانب سے دیے گئے یہ اعزازات مختلف شعبوں کا احاطہ کرتے ہیں جن میں سماجی ذمہ داری کی رپورٹنگ، تزویراتی شراکت داریاں، ماحولیاتی استحکام، تعلیم، جدت طرازی، اثرات کی پیمائش، سماجی شمولیت اور خواتین کو بااختیار بنانا شامل ہیں۔
یہ کامیابی فیصل بینک کے ذمہ دارانہ بینکاری نظام اور ماحولیاتی، سماجی اور انتظامی اصولوں سے ہم آہنگ وژن کی عکاسی کرتی ہے۔
بینک کی جانب سے جاری بیان کے مطابق، شفاف پائیداری رپورٹنگ، کثیرالجہتی تعاون، ماحولیاتی اقدامات، تعلیمی بہتری، فنی و پیشہ ورانہ معاونت اور خواتین کی معاشی شمولیت جیسے اقدامات اس اعتراف کا بنیادی سبب بنے۔ فیصل بینک نے ملک گیر سطح پر کمیونٹی ترقیاتی پروگراموں کے ذریعے سماجی اور معاشی استحکام کو فروغ دیا ہے۔
اس موقع پر صدر و چیف ایگزیکٹو آفیسر یوسف حسین نے کہا کہ یہ اعزازات بینک کی ذمہ دارانہ اور جامع ترقی کے عزم کی توثیق ہیں۔ اُن کا کہنا تھا کہ پائیدار ترقی مضبوط نظم و نسق، بامعنی شراکت داریوں اور قابلِ پیمائش نتائج کے ذریعے ہی ممکن ہے، اور بینک مستقبل میں بھی کمیونٹیز کو مستحکم بنانے کے لیے اپنا کردار ادا کرتا رہے گا۔
ماہرین کے مطابق، یہ سنگِ میل فیصل بینک کی بطور مقصد پر مبنی اسلامی بینک حیثیت کو مزید مضبوط بناتا ہے، جو ماحولیاتی تحفظ، سماجی ذمہ داری اور بہترین طرزِ حکمرانی کو اپنی بنیادی حکمتِ عملی کا حصہ بنائے ہوئے ہے۔
