اسلام آباد :وزیراعظم محمد شہباز شریف نے دارالعلوم حقانیہ اکوڑہ خٹک میں دھماکے میں جے یو آئی (س) کے سربراہ مولانا حامد الحق کی شہادت اور دیگر قیمتی جانی نقصان پر گہرے دکھ اور افسوس کا اظہار کیا ہے ۔
وزیراعظم نے شہداء کے لئے بلندی درجات کی دعا کی ہے اور شہداء کے اہل خانہ سے اظہار تعزیت کیا ہے ۔
واضح رہے کہ آج نماز جمعہ کے موقع پر دارالعلوم حقانیہ اکوڑہ خٹک میں بم دھماکے میں جے یو آئی ائی( س) کے سربراہ مولانا حامد الحق حقانی سمیت کم از کم 5 افراد شہید ہو گئے, جبکہ درجنوں زخمی ہیں۔
