اسلام آباد:پی ٹی آئی رہنما جنید اکبر خان کی لاٹری نکل آئی،متفقہ طور پر چیئرمین پبلک اکاؤنٹس کمیٹی منتخب ہو گئے۔
ڈاکٹر طارق فضل چوہدری، اپوزیشن لیڈر عمر ایوب خان، سینیٹر شبلی فراز اور دیگر نے جنید اکبر خان کا نام تجویز کیا۔
رکن قومی اسمبلی ریاض فتیانہ، ملک عامر ڈوگر، وجہیہ قمر، سردار محمد یوسف زمان اور دیگر اراکین نے جنید اکبر خان کے نام کی تائید کی۔
جنید اکبر خان نے متفقہ طور پر چیئرمین پبلک اکاؤنٹس کمیٹی منتخب ہونے پر اراکین کا شکریہ ادا کیا۔
ان کا کہنا تھا کہ تمام اراکین کو ساتھ لے کر چلوں گا۔
