اسلام آ باد:وزیراعظم شہباز شریف نے ملک میں دہشت گردی سے نمٹنے نیشنل ایکشن پلان کی سنٹرل ایپکس کمیٹی کا اجلاس طلب کر لیا۔
ذرائع کے مطابق اجلاس پیرکو وزیر اعظم ہاؤس میں وزیر اعظم شہباز شریف کی زیرصدارت ہوگا۔
اجلاس میں نائب وزیر اعظم اور روزیر خارجہ اسحاق ڈار ‘ وزیر خزانہ سنیٹر اورنگزیب ‘ وزیر داخلہ سینیٹر محسن نقوی ‘ وزیر دفاع خواجہ آصف ‘ وزیر اطلاعات عطا تارڑ ‘ وزیر قانون سینیٹر اعظم نذ یر تارڑ ‘ پنجاب ‘ سندھ ‘ خیبر پختونخوا‘ بلوچستان اور گلگت بلتستان کے وزراء اعلیٰ ‘ وزیر اعظم آزاد جموں و کشمیر ‘ چیف آف آرمی سٹاف جنرل سید عاصم منیر ‘ ڈی جی آئی ایس آئی‘ ڈی جی آئی ایس پی آر ‘ ڈی جی ایم او،ڈی جی ایم آئی، سیکرٹری داخلہ،ڈی جی آئی بی ،ڈی جی ایف آئی اے،نیشنل کو آرڈی نیٹر نیکٹا،تمام چیف سیکرٹریز،تمام آئی جیز پولیس شریک ہوں گے۔
