اسلام آباد: سپریم کورٹ کے پانچ رکنی بینچ میں شامل جسٹس امین الدین نے پنجاب اور کے پی کے میں انتخابات ملتوی کرنے کا کیس سننے سے معذرت پر بعد لارجر بینچ ٹوٹ گیا۔
سپریم کورٹ کا 5 رکنی لارجر بینچ جب سماعت کے لیے پہنچا تو چیف جسٹس پاکستان نے کہا کہ جسٹس امین الدین خان کچھ کہنا چاہتے ہیں۔
اس موقع جسٹس امین الدین نے کیس سننے سے معذرت کرلی، جسٹس امین نے گزشتہ روز کے فیصلے کے تناظر میں بنچ کا حصہ رہنے سے معزرت کر لی۔
جسٹس امین نے کہا کہ جسٹس قاضی فائز عیسیٰ کے فیصلے کے تناظر میں کیس سسنے سے معذرت کرتا ہوں۔
جسٹس امین الدین کے بات کرنے کے بعد بینچ کورٹ روم سے چلا گیا۔
جسٹس امین الدین کی جانب سے معذرت کرنے کے بعد لارجر بینچ تحلیل ہوگیا ، اب کیس میں نیا بینچ تشکیل دیا جائے گا۔
