این ڈی سی ٹیک نے ہائپر اسکیل آپریشنز اور کاروبار کو ترقی دینے کے لیے سامبا بینک کے کور بینکنگ پلیٹ فارم کو جدید بنا دیا

کراچی : این ڈی سی ٹیک عالمی سطح پر بینکوں اور مالیاتی اداروں کی تنظیم نو کرنے والی پریمیم ٹیکنالوجی سروسز فرم نے نئے ٹیمیناس ٹرانزیکٹ کے ساتھ سامبا بینک کے بنیادی بینکنگ نظام کو کامیابی کے ساتھ جدید بنایا ہے۔

سامبا بینک لمیٹڈ پاکستان میں سعودی نیشنل بینک (ایس این بی) کے ایس اے کا ایک ذیلی ادارہ ہے، جو ذاتی اور کارپوریٹ بینکنگ خدمات کے ساتھ کرنٹ اور سیونگ اکاؤنٹس، قرضوں میں سرمایہ کاری اور ڈیجیٹل سروسز کی خدمات فراہم کرتا ہے۔ بڑے کسٹمر بیس کے حامل سامبا بینک کا برانچ نیٹ ورک پاکستان کے 14 بڑے شہروں میں موجود ہے۔

سامبا بینک نے برسوں کے دوران این ڈی سی ٹیک اور ٹیمیناس کے ساتھ طویل المدتی شراکت داری کو فروغ دیا ہے، تاکہ روایتی چینلز کے بجائے ڈیجیٹلائزیشن کے ذریعے بینک کے تیز رفتار ترقی کے وژن کو پورا کیا جاسکے۔ اس مقصد کے لیے بینک کو ایک جدید، متوازن اور توسیع پذیر بنیادی بینکنگ سسٹم میں اَپ گریڈ کرنے کی ضرورت تھی، جو اس کے کاروباری ترقی کے مقاصد کو پورا کر سکے۔

نئے ٹیمیناس ٹرانزیکٹ کا استعمال سامبا بینک کے آئی ٹی انفرااسٹرکچر کو جدید دور کے مطابق بنانے اور ڈیجیٹلائزیشن کی رفتار کو تیز کرنے کی جانب ایک قدم ہے۔ ٹیمیناس کا متوازن، معیاری اور توسیع پذیر پلیٹ فارم اے پی آئ پر مبنی ہے، جو ایسے بینکوں اور مالیاتی اداروں کی پیچیدہ ضروریات کو پورا کرنے کے قابل بناتا ہے۔

جدید آلات اور تکنیکوں کے ساتھ این ڈی سی ٹیک کے نفاذ کے منفرد طریقہ کار نے بینک کی تنظیم نو کی رفتار کو تیز کیا۔ این ڈی سی ٹیک کی ٹیم نے سامبا بینک کے تمام ماڈیولز بشمول کور، ریٹیل، قرض، ڈپازٹس، ایف سی ایم اور ٹریڈ فنانس کو تازہ ترین ٹیمیناس ٹرانزیکٹ کی مدد سے کامیابی کے ساتھ اَپ گریڈ کیا۔ این ڈی سی ٹیک نے پاکستان ماڈل بینک کے نئے ورژن کے استعمال کو مقامی ریگولیٹری تقاضوں کو پورا کرنے، ٹیکسیشن میں ہونے والی تبدیلیوں سے باخبر رہنے اور بینک کے لیے تجارتی عمل کو جدید بنانے کے لیے یکجا کیا۔ این ڈی سی ٹیک نے بینک کے لیے امیج پر مبنی چیک کلیئرنگ سسٹم اور کم بیلنس الرٹ سسٹم کو بھی شامل کیا، تاکہ بغیر کسی رکاوٹ کے بینکنگ آپریشنز کے جدید فنکشنز کا فائدہ اٹھایا جاسکے۔

سامبا بینک اب طویل مدتی ترقی کے لیے متحرک اور موثر پلیٹ فارم کے فوائد کو حاصل کرنے کی راہ پر گامزن ہوگیا ہے۔ بینک نے تیز رفتار پروڈکٹ، کم سے کم وقت میں تیزی سے کاروباری فیصلے کرنے کے لیے جدت کو اپنالیا ہے۔ نیا نظام تیز تر ٹرانزیکشن پروسیسنگ، خودکار نظام اور آپریشنل اخراجات کو کم کرتا ہے، جس کے نتیجے میں کارکردگی اور پیداواری صلاحیت میں بہتری آتی ہے۔ یہ بینک کو آسانی اور تیزی سے نئی مصنوعات تیار کرنے اور مارکیٹ کرنے کے بھی قابل بناتا ہے۔ یہ موزوں اقدام بینک کو اس قابل بناتا ہے کہ وہ مارکیٹ کی بدلتی ہوئی حرکیات کا فوری جواب دے اور بینکنگ انڈسٹری میں مسابقت کو بڑھاسکے۔

سامبا بینک کے صدر اور (قائم مقام) سی ای او احمد طارق اعظم نے کہا کہ ہمیں یہ اعلان کرتے ہوئے خوشی ہو رہی ہے کہ سامبا بینک نے این ڈی سی ٹیک کے ساتھ بطور اسٹریٹجک پارٹنر ٹیمیناس ٹرانزیکٹ کی تازہ ترین ریلیز پر اپنے کور بینکنگ پلیٹ فارم کو کامیابی کے ساتھ جدید بنایا ہے۔ گزشتہ برسوں میں این ڈی سی ٹیک اور ٹیمیناس کے ساتھ مل کر کام کرنے نے ہمیں ڈیجیٹل تبدیلی اور مستقبل میں سامبا بینک کی تیزرفتار ترقی کا ثبوت فراہم قابل بنایا۔ سامبا بینک اپنے صارفین کو جدید ترین مالیاتی خدمات فراہم کرنے میں سب سے آگے ہے اور بینکنگ انڈسٹری میں بڑھتی ہوئی ڈیجیٹائزیشن کے ساتھ ہم آہنگ رہنے کے لیے اپنے کام اور پیشکشوں کو مسلسل جدید بنانے کا عمل جاری رکھے ہوئے ہے۔

سی ای او این ڈی سی عمارہ مسعود نے کہا کہ میں سامبا بینک کی انتظامیہ اور ٹیموں کو کور بینکنگ اور فنانشل کرائم پلیٹ فارم کو جدید بنانے کے لیے تعاون کرنے پر مبارکباد دیتی ہوں۔این ڈی سی ٹیک تقریباً ایک دہائی سے سامبا کا قابل بھروسہ مند پارٹنر ہے، ہمیں بینک کو اپنے ڈیجیٹل وژن کو حاصل کرنے اور کاروبار کو ترقی دینے کے لیے مسلسل خدمات فراہم کرنے پر فخر ہے۔این ڈی سی کے پاس اپنے طریقہ کار، خودکار ٹولز اور کنٹری ماڈل بینک جیسے ایکسلریٹر کا استعمال کرتے ہوئے ہوئے ڈیلیور کیے گئے کامیاب اپ گریڈز کا ٹریک ریکارڈ ہے۔ ہم مستقبل کے لیے جدید بینک کی تعمیر کے لیے عمل درآمد کی صلاحیتوں کا استعمال کرتے ہیں، جو ہمیں بینکوں اور سامبا فنانشل جیسے FIsکے لیے مثالی شراکت دار بناتے ہیں۔