پاکستان سٹاک ایکسچینج میں نیا ریکارڈ قائم

اسلام آباد:پاکستان سٹاک ایکسچینج میں جمعہ کوکاروباری ہفتہ کے اختتام پرتیزی کارحجان برقراررہا اورکے ایس ای 100انڈیکس1047.98پوائنٹس کے اضافہ کے بعد89993.96پوائنٹس پربندہوا، ایک مرحلہ میں انڈیکس نے 90ہزارپوائنٹس کے نفسیاتی حد کوعبورکیا تاہم کاروبارکے اختتام پرانڈیکس دوبارہ نیچھے آیا۔مجموعی طورپر457کمپنیوں کے حصص کالین دین ہوا، 181کمپنیوں کے حصص کی قیمتوں میں اضافہ،222کی قیمتوں میں کمی اور54کمپنیوں کے حصص کی قیمتوں میں کوئی ردوبدل نہیں ہوا،کے ایس 30انڈیکس 352.54پوائنٹس کے اضافہ کے بعد28395.15 پوائنٹس اوراسلامی مالیات کاحامل کے ایم آئی 30انڈیکس 1066.12 پوائنٹس کے اضافہ کے بعد136114.29پوائنٹس پربندہوا۔مارکیٹ میں مجموعی طورپر695.54ملین حصص کالین دین ہواجن کی مالیت 37.87ارب روپے رہی۔ فیوچرٹریڈنگ کے تحت 17.43ارب روپے کے سودے طے پائے،گزشتہ روزفوجی فوڈزلیمیٹڈکے 57561820 حصص،کے الیکٹرک کے 41399129حصص اورسوئی سدرن کے 38036205 حصص کالین دین ہوا، کوائس فوڈزانڈسٹریز،پاک گلف لیزنگ کمپنی اورسپرنیٹ لیمیٹد سرفہرست ایڈوانسرکمپنیاں رہی۔