لاہور : پنجاب حکومت نے سرکاری محکموں میں افطار پارٹیوں پر پابندی لگا دی ہے اور پابندی کا نوٹیفکیشن جاری کردیا ہے
تفصیلات کے مطابق نگران حکومت پنجاب نے صوبہ بھر کے سرکاری محکموں میں افطار پارٹیوں کے انعقاد پر پابندی عائد کر دی ہے، حکومت کیجانب سے پابندی کا نوٹیفکیشن بھی جاری کردیا گیا ہے، نوٹیفکیشن میں محکموں کو عوامی پیسے کے استعمال میں انتہائی سادگی اختیار کرنے کی ہدایت کی گئی ہے۔
حکومتی نوٹیفکیشن میں کہا گیا ہے کہ مہمانوں یا سرکاری محکموں کے وفود کو سرکاری تحائف نہیں دیئے جائیں گے، غیر ملکی وفود اور مہمانوں پر اس پابندی کا اطلاق نہیں ہو گا
واضح رہے کہ ملکی معاشی صورتحال کے تناظر میں وفاقی حکومت نے ملک بھر میں کفایت شعاری مہم شروع کر رکھی ہے، وزیراعظم نے اس حوالے سے تمام صوبوں کو بھی اقدامات کی ہدایت کی تھی۔
