فسادات کے مرتکب افراد کو کرغز قانون کے تحت سزا دی جائے گی،کرغز وزیر خارجہ کی اسحاق ڈار کو یقین دہانی

آستانہ:نائب وزیراعظم اور وزیر خارجہ سینیٹر محمد اسحاق ڈار کی استانہ میں اپنے کرغیز ہم منصب وزیر خارجہ جین بیک کلوبایف سے ملاقات کی ،ملاقات میں بشکیک، کرغزستان کی حالیہ پیش رفت اور وہاں پاکستانی شہریوں کی فلاح و بہبود پر توجہ مرکوز کی گئی۔
نائب وزیراعظم اور وزیر خارجہ ڈار نے اس بات پر زور دیا کہ پاکستان کی بنیادی تشویش اپنے شہریوں کی سلامتی اور بہبود ہے،وزیر خارجہ ڈار نے پاکستانی طلباء میں عدم تحفظ اور خوف کے جذبات کا اظہار کیا۔
نائب وزیراعظم نے وزیر خارجہ کلوبایف سے ان کی حفاظت اور سلامتی کو یقینی بنانے کی درخواست کی نائب وزیراعظم نے پاکستانی طلباء پر حملوں کے ذمہ داروں کا محاسبہ کرنے کی بھی درخواست کی،
کرغز وزیر خارجہ کلو بایف کرغز حکومت نے امن و امان کی بحالی کے لیے تیزی سے کارروائی کی ہے اور ہجومی فسادات کے مرتکب افراد کو کرغیز قانون کے تحت سزا دی جائے گی۔
وزیر خارجہ کلوبایف نے نائب وزیراعظم کو پاکستانی شہریوں کی حفاظت اور پاکستان واپسی کے خواہشمند طلباء کی بحفاظت وطن واپسی کے لیے مکمل سہولت کے بارے میں یقین دہانی کرائی۔
نائب وزیراعظم اور وزیر خارجہ ڈار نے کرغیز حکومت، محکمہ صحت اور قانون نافذ کرنے والے اداروں کے کردار کو سراہا۔
نائب وزیراعظم اور وزیر خارجہ ڈار نے کرغیز حکومت، محکمہ صحت اور قانون نافذ کرنے والے اداروں کے کرد پاکستانی طلباء کو فراہم کی جانے والی ضروری حفاظتی امداد کو یقینی بنانے پر وزیر خارجہ کولوبایف کا شکریہ ادا کیا۔
نائب وزیراعظم نے اس بات پر زور دیا کہ دونوں ممالک اس سلسلے میں قریبی رابطہ برقرار رکھیں گے۔
پاکستان اور جمہوریہ کرغزستان کے درمیان دوطرفہ تعلقات خاص طور پر توانائی، رابطوں، تجارت اور عوام سے عوام کے درمیان رابطے بھی زیرِ گفتگو تھے۔
دونوں راہنماؤں نے دو طرفہ ادارہ جاتی میکانزم کی پیش رفت پر اطمینان کا اظہار کیا۔