اسلام آباد:وزیر خارجہ محمد اسحاق ڈار کل سے برسلز میں ہونے والی پہلی نیوکلیئر انرجی سمٹ میں شرکت کریں گے۔
بدھ کو دفتر خارجہ کی ترجمان کی جانب سے جاری بیان کے مطابق سربراہ اجلاس میں شرکت کے علاوہ وزیر خارجہ ڈار اجلاس میں شرکت کرنے والے ممالک کے رہنماؤں اور وزرائے خارجہ سے دو طرفہ ملاقاتیں کریں گے۔
سربراہ اجلاس میں وزیر خارجہ کی شرکت بین الاقوامی ایٹمی توانائی ایجنسی (آئی اے ای اے) کے ساتھ پاکستان کے تعاون کو مزید مضبوط بنانے اور جوہری توانائی کے پرامن استعمال کے بارے میں مشترکہ نقطہ نظر کو فروغ دینے میں معاون ثابت ہوگی۔
