اسلام آباد: مسلم لیگ (ن)، پیپلز پارٹی، مسلم لیگ (ق)، باپ اور آئی پی پی کے وفد نے جے یو آئی کے امیر مولانا فضل الرحمان سے ان کی رہائش گاہ پر ملاقات کی اور اور سپیکر ڈپٹی سپیکر اور وزیراعظم کے انتخاب کے لیے ان سے تعاون مانگ لیا۔
اتحادی جماعتوں کے وفد میں احسن اقبال، ایاز صادق، سعد رفیق، رانا تنویر، یوسف رضا گیلانی، خورشید شاہ، نوید قمر، صادق سنجرانی، خالد مگسی، سینیٹر عبدالقادر، عبد العلیم خان اور سالک حسین شامل تھے۔
جمعیت علمائے اسلام کی جانب سے ملاقات میں مولانا عبدالغفور حیدری، مولانا عطاء الرحمان، مولانا اسعد محمود، مفتی مصباح الدین، اسلم غوری، حافظ حمد اللہ، عثمان بادینی اور نور عالم خان موجود تھے، ملاقات کے دوران ملکی سیاسی صورتحال پر بھی مشاورت کی گئی۔
مولانا فضل الرحمن نے ملاقات میں اتحادی جماعتوں کے وفد سے کہا کہ وہ مشاورت کے بعد اس پر جواب دیں گے۔
