اسلام آباد : جے یوآئی ف کے امیر مولانا فضل الرحمان نے صدارتی الیکشن کا بائیکاٹ کر دیا۔
صحافیوں سے گفتگو کرتے ہوئے سے گفتگو کرتے ہوئے مولانا فضل الرحمن کا کہنا تھا کہ ہم خیبرپختونخوا اسمبلی میں بیٹھیں گے، صدارتی الیکشن میں حصہ نہیں لیں گے، جے یوآئی کو ہرایا گیا ہے، ہم نے ہتھیار ڈالنا نہیں سیکھا، وزارت کی کرسی پر براجمان ہونے کے بجائے حق کے راستے پر چلیں گے۔
امیر جے یو آئی کا کہنا تھا کہ آئندہ کی حکمت عملی کا فیصلہ مجلس شوریٰ میں کیا جائے گا، الیکشن مہم کے دوران ہی پتہ چل جاتا ہے کون جیت رہا ہے اور کون ہار رہا ہے، گھروں میں سوئے اور الیکشن سے دستبردار لوگ جیت گئے۔
فضل الرحمان کا کہنا تھا کہ ان لوگوں سے ملک چلنے والا نہیں۔
