اسلام آباد برآمدات کرنے کی صلاحیت رکھتا ہے،ڈاکٹر گوہر اعجاز

0

اسلام آباد : نگران وفاقی وزیر تجارت،صنعت و داخلہ ڈاکٹر گوہر اعجاز نے کہا ہے کہ اسلام آباد برآمدات کرنے کی صلاحیت رکھتا ہے اسلام آباد سے آئی ٹی، جواہرات اور پھولوں کی برآمدات کے مواقع موجود ہیں ۔

ان خیالات کا اظہار انہوں نے فیڈریشن آف پاکستان چیمبر آف کامرس اینڈ انڈسٹری اور اسلام آباد چیمبر آف کامرس اینڈ انڈسٹری کے وفد سے ملاقات میں کیا ۔

وفد نے ڈاکٹر گوہر اعجاز کو وزیر داخلہ کا منصب سنبھالنے پر مبارکباد پیش کی۔ وفد نے کہا کہ ڈاکٹر گوہر اعجاز کی بحثیت وزیر داخلہ وتجارت تقرری پوری کاروباری برادری کیلئے باعث اعزاز ہے ۔

وفد سے بات چیت کرتے ہوئے وفاقی وزیر نے کہا کہ اسلام آباد برآمدات کرنے کی صلاحیت رکھتا ہے۔اسلام آباد سے آئی ٹی، جواہرات اور پھولوں کی برآمدات کے مواقع موجود ہیں۔ انہوں نے کہا کہ کاروباری برادری مل کر پاکستان کی تعمیر و ترقی میں اپنا بھر پور کردار ادا کرے بالخصوص اسلام آباد کی تاجر برادری اپنی کارپوریٹ سماجی ذمہ داریاں بھی نبھائے اور شہریوں کی فلاح وبہبود میں اپنا کردار بھی ادا کرے۔ ڈاکٹر گوہر اعجاز نے کہا کہ دونوں چیمبر مل کر نا صرف برآمدات بڑھائیں بلکہ سماجی ترقی کے لیے بھی مل کر کام کریں۔

ملاقات میں چیمبرز کے
وفد نے وزیر تجارت و داخلہ کو کاروباری برادری کو درپیش مسائل سے آگاہ کیا اور ملک کی ترقی اور عوام کی فلاح وبہبود میں بھرپور کردار ادا کرنے کی یقین دہانی بھی کرائی ۔

Leave A Reply

Your email address will not be published.