واشنگٹن (سپیشل نیوز ) امریکہ کے شہر نیو یارک سٹی میں جمعہ کے روز اذان لائوڈ سپیکر پر دینے کی کی اجازت مل گئی جس سے مسلم کمیونٹی میں خوشی کی لہر دوڑ گئی۔ سپیشل نیوزکے مطابق نیو یارک سٹی کے میئر
ایرک ایڈ مز نے کہا کہ اذان کے الفاظ اللہ کی کبریائی اور نبی کریم صلی اللہ علیہ وآلہ وسلم کی رسالت کی گواہی پر مشتمل ہیں اور اذان نماز کی ادائیگی کی یاددہانی کیلئے دی جاتی ہے۔ نماز دین کے پانچ ستونوں میں سے ایک ہے جو دن میں پانچ بار قریبی مسجد میں ادا کرنے کا حکم ہے۔ آذان سن کر ہی نماز کے وقت کا پتہ چلتا ہے۔ ان باتوں کو مد نظر رکھتے ہوئے میں نے فیصلہ کیا ہے کہ مساجد سے نہ صرف جمعہ کی بلکہ ماہ رمضان میں روزانہ مغرب کی اذان لاؤڈ سپیکر پر دی جائے گی اور اس کیلئے کسی پرمٹ کی ضرورت نہیں ہوگی۔ نیو یارک سٹی کے میئر نے کہا کہ اذان کیلئے استعمال ہونے والے لاؤڈ سپیکر کی جانچ پڑتال اور ساؤنڈ کو مناسب لیول پر رکھنے کیلئے پولیس مسجد انتظامیہ کے ساتھ مل کر گائیڈ لائنز پر عملدرآمد کو یقینی بنائیں گی۔ مسلم کمیونٹی کے نمائندوں نے نیو یارک سٹی کے میئر ایرک ایڈمز کا شکریہ ادا کیا۔
