اسلام آباد : اسپیکر قومی اسمبلی راجہ پرویز اشرف کی پارلیمانی رہنماؤں سے الوداعی ملاقاتیں،
اسپیکر نے نئی روایت قائم کرتے ہوئے ایوان میں موجود جماعتوں کے پارلیمانی رہنماؤں سے الوداعی ملاقاتیں کیں،
اسپیکر راجہ پرویز اشرف نے آج قومی اسمبلی میں پاکستان مسلم لیگ (ن )کے پارلیمانی رہنما خواجہ محمد آصف، بلوچستان عوامی پارٹی (بی اے پی) کے پارلیمانی لیڈر خالد مگسی، جمیعت علمائے اسلام کے پارلیمانی رہنما مولانا اسد محمود اور متحدہ قومی موومنٹ پاکستان سے کشور زہرہ اور محمد ابوبکر پر مشتمل پارلیمانی وفد سے ملاقات کی،
ملاقاتوں میں اسپیکر راجہ پرویز اشرف نے 15ویں قومی اسمبلی کی کارروائی میں احسن اور بھرپور طریقے سے کردار ادا کرنے پر پارلیمانی رہنماؤں اور انکی جماعتوں کا شکریہ ادا کیا،
اسپیکر نے کہا کہ پارلیمان عوام کی امیدوں اور امنگوں کا محور ہے،
مجھے اس بات کی خوشی ہے کہ گزشتہ ڈیڑھ سال کے دوران تمام جماعتوں نے مکمل دلجمعی سے اپنی ذمہ داریوں کو پورا کیا اور وہ فیصلے لئے جو عوام اور ملک کے لئے کارآمد ثابت ہوئے،
سیاسی رہنماؤں نے بھی اسپیکر قومی اسمبلی کو ایوان کی کاروائی احسن طریقے سے چلانے پر مبارکباد پیش کی اور ان کا شکریہ ادا کیا۔
