لاہور: تحریک انصاف کے وائس چیئرمین شاہ محمود قریشی کا کہنا ہے کہ12 اگست کو موجودہ پارلیمنٹ کی مدت پوری ہورہی ہے اس لیے الیکشن تو ہونا ہے اب اگر آئین سے ماورا کوئی کام ہو تو میں کیا کہہ سکتا ہوں۔
لاہور میں میڈیا سے گفتگو میں شاہ محمود قریشی کا کہنا تھا کہ عوام کو اس بجٹ میں کوئی ریلیف نہیں دیا گیا، عبوری حکومت کو بجٹ پر نظرِ ثانی کرنا پڑے گی، تنخواہوں میں 30 سے 35 فیصد اضافہ ہوگا پیسا کہاں ہے آپ کے پاس؟ بجٹ میں ساڑھے 600 ارب کا سرپلس دکھایاگیا ہے وہ کہاں سے آئے گا؟
جہانگیر ترین کی نئی پارٹی کے حوالے سے سوال کے جواب میں ان کا کہنا تھا کہ نے کہا ہے کہ نئی پارٹی کی لانچنگ ایسی ہی ہے جیسے ایمرجنسی میں ڈیتھ آن آرائیول۔
