لاہور : پی ٹی آئی کے سابق راہنما جہانگیر ترین نئی سیاسی جماعت "استحکام پاکستان”پارٹی لے کے آ گئے ۔
جہانگیر ترین نے پارٹی کے قیام کا باضابطہ اعلان کردیا
جہانگیر ترین نے علیم خان کے گھر عشائیہ میں نئی جماعت کا باضابطہ اعلان کیا۔
علیم خان نے اپنی رہائش گاہ پر جہانگیر ترین اور ان کے گروپ کے اعزاز میں عشائیہ دیا، جس میں ملک بھر سے 100 کے قریب رہنماؤں نے شرکت کی۔
سندھ سے سابق گورنر سندھ عمران اسماعیل، علی زیدی، محمود مولوی اور جے پرکاش،فاٹا سے جی جی جمال، کے پی کے سے اجمل وزیر عشائیے میں شریک ہوئے، پنجاب سے مراد راس، فیاض چوہان، فردوس عاشق اعوان، نعمان لنگڑیال اور نوریز شکور نے شرکت کی ۔
اجلاس میں شرکت کرنے والے سیاسی رہنماؤں نے جہانگیر ترین پر مکمل اعتماد کا اظہار کیا۔
