لاہور: کاروباری ہفتے کے دوسرے روز عالمی مارکیٹ میں سونے کی قیمت میں اضافہ ریکارڈ کیا گیا جس کے بعد پاکستان میں بھی قیمت میں بڑا اضافہ ہوا۔
عالمی مارکیٹ میں فی اونس سونے کی قیمت میں 12 ڈالر کا اضافہ ہوا جس کے نئی قیمت 1810 ڈالر کی سطح پر پہنچ گئی۔
مقامی صرافہ مارکیٹوں میں فی تولہ سونے کی قیمت میں 4500 روپے کا اضافہ ریکارڈ کیا گیا ہے جس کے بعد سونے کی نئی قیمت ایک لاکھ 82 ہزار 500 روپے ہو کر نئی بلند ترین سطح پر آگئی ہے۔
دس گرام سونے کی قیمت میں 3858 روپے کا اضافہ ریکارڈ کیا گیا جس کے بعد نئی قیمت ایک لاکھ 56 ہزار 636 روپے کی سطح پر آ گئی۔
