اسلام آباد: وزیراعظم محمد شہباز شریف نے کہا ہے کہ آج ہم سانحۂ آرمی پبلک اسکول پشاور کے شہداء کو خراجِ عقیدت پیش کرتے ہیں — وہ معصوم بچے، اساتذہ اور عملہ جن کی قربانیاں ہمیشہ ہمارے قومی شعور میں نقش رہیں گی۔
انہوں نے کہا کہ ان کی قربانیاں ہمیں دہشت گردی کے خلاف متحد ہو کر اپنی اجتماعی ذمہ داری نبھانے کی مسلسل یاد دہانی کراتی ہیں۔
وزیراعظم کا کہنا تھا کہ پاکستانی قوم دہشت گردی کے ناسور کے مکمل خاتمے کے عزم میں ہمیشہ متحد، مضبوط اور غیر متزلزل رہے گی۔
انہوں نے دعا کی کہ اللہ تعالیٰ شہداء کو جنت الفردوس میں اعلیٰ درجات عطا فرمائے اور ان کے اہلِ خانہ کو صبرِ جمیل نصیب فرمائے۔
