اسلام آباد : اسلام آباد کی عدالت نے وفاقی وزیر مزہبی امور مفتی عبدالشکور کی گاڑی کو ٹکر مارنے والے ڈرائیور کا دو روزہ جسمانی ریمانڈ دے دیا ہے
ملزم راؤ گل خان کو ڈیوٹی مجسٹریٹ ملک امان کی عدالت میں پیش کیا گیا
تھانہ سیکرٹریٹ کے تفتیشی افسر ریکارڈ سمیت عدالت میں پیش ہوئے، تفتیشی افسر نے عدالت سے ڈرائیور کے 7 روزہ جسمانی ریمانڈ کی استدعا کی اور کہا کہ مرحوم وفاقی وزیر کی گاڑی کو ٹکر مارنے والی گاڑی میں پانچ افراد سوار تھے، ڈرائیور کو جائے وقوعہ سے گرفتار کیا، ملزم راؤ گل خان کے دو ساتھی شدید زخمی اور پولی کلینک میں زیر علاج ہیں، ڈرائیور کے دیگر دو ساتھی جائے وقوعہ سے رات کو فرار ہو گئے تھے، ملزم کا ڈرگ ٹیسٹ اور فرار ہونے والے دیگر ساتھیوں کی گرفتاری کیلئے تفتیش باقی ہے، مناسب تفتیش کیلئے وقت درکار ہے جس پر عدالت نے ڈرائیور ملزم راؤ گل خان کو دو روزہ جسمانی ریمانڈ پر پولیس کے حوالے کر دیا ۔
