اسلام آباد: حکومت اور پی ٹی ائی کے درمیان مذاکراتی کمیٹی آج تحلیل ہو جائے گی۔
سپیکر نے 31 جنوری تک مذاکراتی کمیٹی بحال رکھنے کا اعلان کیا تھا لیکن پی ٹی آئی نے مذاکرات نہ کرنے کا فیصلہ کر لیا ہے اور 9 مئی اور 26 نومبر کے واقعات پر جوڈیشل کمیشن بنانے تک مذاکرات نہ کرنے کا فیصلہ کیا ہے۔
پی ٹی آئی کے سخت گیر موقف کے بعد مذاکراتی کمیٹی برقرار رکھنے کا جواز اب ختم ہو گیا ہے۔
وزیراعظم نے پی ٹی آئی کو ایک مرتبہ پھر مذاکرات کی پیشکش کی ہے لیکن لگتا ہے کہ پی ٹی آئی اور حکومت کے درمیان مذاکرات اب مزید آگے نہیں بڑھ سکیں گے۔
