اسلام آباد :پاکستان میڈیکل اینڈ ڈینٹل کونسل نے اپنی آپریشنل کارکردگی میں بہتری لاتے ہوئے نیا لائسنسنگ پورٹل متعارف کرایا ، جس کے ذریعے کیس پروسیسنگ کی کامیابی کی شرح اور کارکردگی میں بے حد اضافہ ہوا ہے۔
یہ پیش رفت PM&DC کے صدر پروفیسر ڈاکٹر رضوان تاج کی انتھک محنت کی بدولت ممکن ہوئی۔ نئے پورٹل کی بدولت مختلف سرٹیفکیٹس کے اجراء اور پروسیسنگ میں تیزی آئی ، جس سے پاکستان بھر میں طبی ماہرین کے لیے بروقت اور شفاف خدمات کی فراہمی یقینی بنائی جا رہی ہے۔
اب تک تازہ ترین اعداد و شمار کے مطابق، 75279 میں سے 73361 کیسز مکمل اور جاری کیے جا چکے ہیں۔ ان کیسز میں ڈیٹا یا لائسنس میں تبدیلی، پرووینل سرٹیفکیٹس کی توسیع، مکمل رجسٹریشن سرٹیفکیٹس، گڈ اسٹینڈنگ سرٹیفکیٹس، عارضی لائسنس، غیر ملکی گریجویٹس کے عارضی لائسنس، لائسنس کی تجدید، ٹیچنگ ایکسپرینس اور پوسٹ گریجویٹ کوالیفیکیشنز کی رجسٹریشن شامل ہیں۔
یہ اعداد و شمار PM&DC کی سروس کو بہتر بنانے کے عزم کا ثبوت ہیں، اور پورٹل کا صارف دوست انٹرفیس اور بیک اینڈ پروسیسنگ کے عمل نے ٹرن اراؤنڈ ٹائم کو کم اور طبی ماہرین کے لیے رسائی کو بڑھا دیا ہے پی ایم دی سی ڈیجیٹل جدت اور مسلسل بہتری کے عزم پر قائم ہے اور طبی برادری کی ضروریات کو فوری اور مؤثر انداز میں پورا کرنے کے لیے پرعزم ہے۔ کونسل پورٹل کو کامیاب بنانے میں شامل تمام اسٹیک ہولڈرز کی کوششوں کا شکریہ ادا کرتی ہے اور مستقبل میں بھی خدمات کی فراہمی کے معیار کو بلند کرنے کا عزم رکھتی ہے۔
مزید برآں، PM&DC نے طبی اساتذہ کی تدریسی تجربے کی پہچان کو آسان بنانے کے لیے ایک نیا پورٹل لانچ کیا ہے، جس کے ذریعے تدریسی تجربے کی بروقت منظوری اور توثیق کی جا سکے گی۔ صدر PM&DC کی مفعال نگرانی کے تحت تاخیر کے مسائل کو حل کیا گیا ہے، جس سے ایک مؤثر اور درخواست گزار کی سہولت پر مبنی نظام قائم لیا گیا ھے-
علاوہ ازیں، پاکستان میڈیکل اینڈ ڈینٹل کونسل (PM&DC) نے اپنے عملی ڈھانچے کو جدید بنانے کے لیے ایک نئے "انٹرپرائز ریسورس پلاننگ” (ERP) سسٹم کی تنصیب کا منصوبہ بنایا ہے، جس کا مقصد کونسل کے تمام داخلی انتظامی امور کو مکمل طور پر خودکار بنانا ہے۔ یہ اقدام ورک فلو کو تیز کرنے، کارکردگی میں بہتری لانے اور جدید ترین ٹیکنالوجی کی مدد سے ابھرتے چیلنجز سے نمٹنے کے لیے کونسل کی صلاحیت کو مزید بڑھانے میں معاون ثابت ہو گا۔
PM&DC ڈیجیٹل دور میں آٹومیشن کی اہمیت کو سمجھتے ہوئے ترقی کے لیے پرعزمہ ہے- ایک
ERP سسٹم متعارف کرانے کی راہ پر گامزن ہے، جو ہماری سیکریٹریٹ کے داخلی امور میں نمایاں بہتری لائے گا۔
نئے چیلنجز کے پیش نظر، PM&DC کے تمام امور کو خودکار بنانے اور جدید ترین ٹیکنالوجی کو اپنانے کے لیے پرعزم ہیں تاکہ طبی برادری کے لیے سروس ڈیلیوری کو مزید مؤثر بنایا جا سکے۔”
یہ ERP سسٹم PM&DC کے مختلف افعال کو مرکزی اور خودکار بنا دے گا، جس سے ڈیٹا پروسیسنگ کی درستگی اور رفتار میں بہتری، ریکارڈ مینجمنٹ میں بہتری اور صحت کی دیکھ بھال کے پیشہ ور افراد کے لیے خدمات کی فراہمی کے ردعمل کے اوقات میں اضافہ ہوگا۔ اس ڈیجیٹل تبدیلی کا مقصد PM&DC کی معیار کی بلندی اور جدید تکنیکی جدت سے ہم آہنگی کا ثبوت فراہم کرنا ہے۔
