وزیراعظم شہباز شریف کا لاہور اور قصور کا اچانک دورہ،مفت آٹا سینٹر میں آئے بچوں سے گپ شپ لگائی

لاہور :  وزیراعظم شہباز شریف نے جمعہ کولاہور اور قصور کا اچانک دورہ کیا اور مفت آٹے کی تقسیم کے مختلف مقامات کا معائنہ کیا ،وزیراعظم شہباز شریف نے خواتین اور مرد شہریوں سے مفت آٹے کی فراہمی میں مشکلات کے بارے میں پوچھا ،وزیراعظم نے آٹے کے معیار اور اس کے حصول کےلئے مشکلات سے متعلق بھی شہریوں کی رائے جانی ،وزیراعظم نے شہریوں کی آرا کی روشنی میں حکام کو اقدامات کی ہدایت کی ،وزیراعظم نے شہریوں کے لئے انتظار گاہ کا بھی دورہ کیا، انتظامات دیکھے اور ہدایت کی کہ رمضان المبارک میں کسی شہری کو کوئی تکلیف نہیں ہونی چاہیے ، بزرگ، معذور اور کمزور افراد کا خاص خیال کیا جائے،بزرگ خواتین اور بچوں کے ہمراہ آنے والی خواتین کے لئے بھی بہترین انتظامات یقینی بنائیں،اس کار خیر کو سرکاری ڈیوٹی نہیں، خدائی ڈیوٹی سمجھ کر انجام دیں ، رمضان المبارک میں مخلوق خدا کی خدمت کرکے باری تعالیٰ کو راضی کریں، وزیراعظم مفت آٹا سینٹر میں آئے بچوں سے بھی ملے ، گپ شپ بھی لگائی

وزیراعظم نے شہریوں میں مفت آٹے کے تھیلے بھی تقسیم کئے

وزیراعظم ںے سیکریٹری فوڈ، چیف سیکرٹری پنجاب، ڈپٹی کمشنرز کو انتظامات میں بہتری پر شاباش دی

وزیراعظم نے انتظامیہ اور عملے کی کارکردگی کی بھی تعریف کی ۔