اسلام آباد:مسجد نبوی (ص) کے امام ڈاکٹر صلاح بن محمد البدیر سات روزہ سرکاری دورے پر پاکستان پہنچ گئے۔
اسلام آباد انٹرنیشنل ایئرپورٹ پر وفاقی وزیر برائے مذہبی امور و بین المذاہب ہم آہنگی چوہدری سالک حسین، سعودی سفیر نواف بن سعید المالکی، سیکرٹری مذہبی امور ذوالفقار حیدر اور دیگر حکام نے ان کا پرتپاک استقبال کیا۔
دورے کے دوران مسجد نبوی کے امام فیصل مسجد میں نماز جمعہ کی امامت کریں گے۔
"ڈاکٹر صلاح بن محمد البدیر صدر، وزیر اعظم اور ملک کے دیگر رہنماؤں سے بھی ملاقاتیں کریں گے۔” وہ صدر آصف علی زرداری، وزیر اعظم محمد شہباز شریف اور دیگر اہم رہنماؤں سے بھی ملاقاتیں کریں گے۔
اس کے علاوہ، امام پاکستانی مذہبی اسکالرز سے ملاقاتیں کریں گے۔
چوہدری سالک حسین نے کہا ہے کہ اس دورے سے پاکستان اور سعودی عرب کے تعلقات مزید مضبوط ہوں گے اور دونوں ممالک کے درمیان مذہبی اور ثقافتی تعاون کو فروغ ملے گا۔
