حج کا رکن اعظم وقوف عرفہ آج اداکیا جائے گا

میدان عرفات: حج کا رکن اعظم وقوف عرفہ آج اداکیا جائے گا۔
عازمین حج صبح سویرے ہی میدان عرفات میں جمع ہونا شروع ہو گئے
تھے،حجاج کرام گزشتہ روز منیٰ پہنچے تھےانہوں نے رات منیٰ میں قیام کیا اورنماز فجر پڑھنے کے بعد میدان عرفات روانہ ہوگئے۔
حجاج کرام عرفات کی مسجد نمرہ میں خطبہ حج سنیں گے اور نماز ظہر اور عصر قصر ادا کرینگے
حج کا رکن اعظم وقوف عرفہ آج اداکیا جائے گا۔
مسجدالحرام کے امام و خطیب شیخ ڈاکٹرماہربن حمد خطبہ حج دیں گے، خطبہ حج کا ترجمہ اردو سمیت 50 زبانوں میں نشر کیا جائے گا۔
دنیا بھر سے آئے 20 لاکھ عازمینِ حج میں ایک لاکھ 60 ہزار پاکستانی بھی شامل ہیں۔
حج سیزن کے موقع پر شدید گرمی کی لہر بھی جاری ہے جس سے عازمین کو بچانے کے لیے حکومت نے خصوصی انتظامات کیے ہیں۔