اسلام آباد : پنجاب اسمبلی کے انتخابات کے لئے الیکشن کمیشن نے شیڈول جاری کردیا ہے، پنجاب میں انتخابات 30 اپریل کو ہوں گے،کاغذات نامزدگی 12سے14مارچ تک جمع کرائے جائیں گے،کاغذات نامزدگی کی جانچ پڑتال22مارچ تک ہوگی امیدوار 5 اپریل تک کاغذات نامزدگی واپس لے سکیں گے، انتخابی نشانات 6اپریل کو دیے جائیں گے،
واضح رہے کہ پنجاب میں اسمبلی ٹوٹنے کے بعد پنجاب میں انتخابات ہونے تھے تا ہم گورنر نے تاریخ نہیں دی تھی، سپریم کورٹ نے از خود نوٹس لیا تھا جس کے بعد الیکشن کمیشن نے صدر مملکت کو خط لکھ کر پنجاب میں الیکشن کی تاریخ 30 اپریل سے سات مئی تجویز کی تھی،جس پر صدر مملکت عارف علوی نے 30 اپریل کو الیکشن کی تاریخ کا اعلان کیا تھا، آج الیکشن کمیشن نے بھی 30 اپریل کو الیکشن کا شیڈول جاری کر دیا ہے۔
