اسلام آباد:وزیرِ اعظم محمد شہباز شریف کی شمالی وزیرِ ستان میں لڑکیوں کیلئے قائم نجی اسکول پر دھشتگرد حملے کی شدید الفاظ میں مزمت کرتے ہوئے واقعے میں ملوث افراد کی فوری نشاندہی اور قرار واقعی سزا یقینی بنانے کی ہدایت کی ہے
وزیرِ اعظم نے حملے میں اسکول کے منہدم شدہ حصے کو فوری طور پر سرکاری خرچ سے دوبارہ تعمیر کرنے کی ہدایت کردی ہے۔
وزیراعظم کا کہنا تھا کہ دھشتگردوں کے لڑکیوں کی تعلیم کو روکنے کے ناپاک عزائم کو کبھی کامیاب نہیں ہونے دیں گے.
قوم کی بیٹیوں کی تعلیم میں رکاوٹ پیدا کرنے کی کوشش کرنے والے دھشتگرد عناصر کو کیفرِ کردار تک پہنچائیں گے.
پاکستان کی باصلاحیت بیٹیوں کو تعلیم کے زیور سے آراستہ کرنے اور انکو ترقی کے یکساں مواقع فراہم کرنے کیلئے اپنی بھرپور توانائیوں سے کوشاں ہیں.
