اسلام آباد:نیب کی طرف سے ایل این جی ریفرنس واپس لینے پر سابق وزیر اعظم شاہد خاقان عباسی سمیت تمام ملزمان بری ہو گئے۔
احتساب عدالت کے جج ناصر جاوید رانا نے کیس کی سماعت کی، شاہد خاقان عباسی وکلاء کے ہمراہ عدالت میں پیش ہوئے۔
نیب کی طرف سے شاہد خاقان عباسی کے خلاف ایل این جی ریفرنس واپس لینے کیلئے درخواست دائر کی گئی۔
ڈپٹی پراسیکیوٹر اظہر مقبول نے عدالت کو بتایا نیب شاہد خاقان عباسی کے خلاف ریفرنس واپس لے رہا ہے،عدالت نے ریفرنس واپس لینے پرشاہد خاقان عباسی سمیت تمام ملزمان کو ایل این جی ریفرنس میں بری کر دیا۔
واضع رہے کہ نیب نے اس کیس میں 2019ء میں شاہد خاقان عباسی کو گرفتار کیا تھا اور ریفرنس میں قومی خزانے کو 21 ارب روپے کا نقصان پہنچانے کا دعویٰ کیا تھا۔
