راولپنڈی :پاکستان اور نیوزی لینڈ کے درمیان پہلا ٹی ٹوئنٹی میچ بارش کی نذر ہو گیا، دوسرا میچ کل ہو گا۔
بارش کے باعث پہلے ٹاس آدھا گھنٹہ تاخیر کا شکار ہوا، تاہم آؤٹ فیلڈ سوکھنے کے بعد نیوزی لینڈ کے کپتان مائیکل بریسویل نے ٹاس جیت کر پہلے بیٹنگ کرنے کا فیصلہ کیا۔
ٹاس کے بعد بارش پھر شروع ہوگئی اور کیویز کی بیٹنگ تاخیر کا شکار ہوئی۔جب کچھ دیر بعد بارش رکی تو میچ پانچ پانچ اوورز تک محدود کر دیا گیا لیکن نیوزی لینڈ کی اننگز کی 2 گیندوں کے بعد دوبارہ بارش شروع ہوگئی جس کے باعث میچ ختم کردیا گیا۔
نیوزی لینڈ کی ٹیم ایک وکٹ کے نقصان پر صرف2 رنز بناسکی، دوسرا ٹی ٹونٹی کل کھیلا جائے گا آج بارش کے باعث دونوں ٹیمیں پریکٹس بھی نہیں کر سکیں گی۔
