اسلام آباد: صدر مملکت ڈاکٹر عارف علوی کو ان کی صدارتی مدت مکمل ہونے پر جمعہ کو ایوان صدر میں الوداعی گارڈ آف آنر پیش کیا گیا۔
مسلح افواج کے چاق و چوبند دستے نے گارڈ آف آنر پیش کیا۔ صدر مملکت کو سلامی دینے کےموقع پر قومی ترانہ بجایا گیا۔
بعد ازاں انہوں نے ایوان صدر کے افسران اور عملے سے مصافحہ بھی کیا۔ الوداعی گارڈ آف آنر ہفتے کو ہونے والے اگلے صدارتی انتخابات سے ایک روز قبل دیا گیا۔
ڈاکٹر عارف علوی نے 9 ستمبر 2018 کو پاکستان کے 13ویں صدر کی حیثیت سے حلف اٹھایا تھا۔
