اسلام آباد : کراچی کے شہریوں کے لئے بڑی خوشخبری ، بجلی کی قیمت کم ہو گئ نیشنل الیکٹرک پاور ریگولیٹری اتھارٹی (نیپرا) نے کے الیکٹرک کے صارفین کیلئے بڑے ریلیف کا اعلان کردیا۔
نیپرا نے کے الیکٹرک کے لئے دسمبر کے ماہانہ فیول چارجز ایڈجسٹمنٹ کی مد میں 10روپے 80 پیسے فی یونٹ کمی کی منظوری دے دی ہے۔ کے الیکٹرک نے 10 روپے 26 پیسے فی یونٹ کمی کی درخواست کی تھی ۔
دسمبر کا ایف سی اے نومبر کی نسبت 3 روپے 37 پیسے فی یونٹ مزید کم چارج کیا جائے گا، اس کا اطلاق صرف ایک ماہ کیلئے ہوگا، لائف لائن صارفین، 300 یونٹس تک گھریلو صارفین، زرعی صارفین اور الیکٹرک وہیکل چارجنگ اسٹیشنز پر اس کا اطلاق نہیں ہوگا۔
کے الیکٹرک صارفین کو ریلیف فروری کے بجلی کے بلوں میں ملے گا۔
