لاہور: ٹکٹوں کی تقسیم کے لئے مسلم لیگ ن کے پارلیمانی بورڈ کے اجلاس کا شیڈول تبدیل ہو گیا۔
مسلم لیگ ن کے پارلیمانی بورڈ کے اجلاس میں تبدیلی نواز شریف کے 7 دسمبر کو اسلام آباد عدالت میں کیس کی سماعت کی وجہ سے کی گئی۔
نئے شیڈول کے مطابق پارلیمانی بورڈ کا دوسرا اجلاس آج 3 دسمبر کے بجائے کل 4 دسمبر کو ہو گا، 4 دسمبر کو راولپنڈی ڈویژن ) اٹک ، تلہ گنگ ، جہلم،چکوال، مری اور راولپنڈی کے امیدواروں کے انٹرویو کیے جائیں گے۔
5 دسمبر کو خیبر پختونخوا دو ڈویژنوں کے امیدواروں کے انٹرویو کیے جائیں گے، 6 دسمبر کو بلوچستان کے امیدواروں کے انٹرویو کیے جائیں گے جبکہ 7 دسمبر کو مسلم لیگ ن کے قائد نواز شریف اسلام آباد عدالت کی سماعت کے لیے پیش ہوں گے۔
