القادر ٹرسٹ سکینڈل ، بشریٰ بی بی کی ضمانت ہو گئ

اسلام آباد: القادر ٹرسٹ کے 190 ملین پاؤنڈ اسکینڈل کیس میں چیئرمین پی ٹی آئی عمران خان کی اہلیہ بشریٰ بی بی کی درخواست ضمانت منظور کرلی گئی ہے۔

بشریٰ بی بی عمران خان کے ہمراہ احتساب عدالت پہنچیں جہاں احتساب عدالت کے جج محمد بشیر نے درخواست ضمانت کی سماعت کی۔
بشریٰ بی بی کی کمرہ عدالت میں حاضری لگائی گئی، بشریٰ بی بی کے وکیل خواجہ حارث کا کہنا تھا کہ بشریٰ بی بی کوکوئی نوٹس موصول نہیں ہوا۔

احتساب عدالت نے بشریٰ بی بی کی 5 لاکھ روپےکے مچلکوں کے عوض 31 مئی تک ضمانت منظور کر لی ۔