پی ٹی آئی کا میئر کراچی کے لئے نعیم الرحمن کی حمایت کا اعلان

کراچی :پی ٹی آئی نے میئرکراچی کے لئے جماعت اسلامی کے حافظ نعیم الرحمان کی حمایت کا اعلان کردیا۔

ترجمان پی ٹی آئی کے مطابق ان کی پارٹی تحریک انصاف میئرکراچی کے انتخاب میں جماعت اسلامی کے امیدوار کو سپورٹ کرےگی۔

ترجمان کا کہنا ہےکہ پیپلزپارٹی میئر کراچی کے انتخابی عمل میں پری پول رگنگ کر رہی ہے، منتخب بلدیاتی نمائندگان کو سندھ پولیس کے ذریعے اغوا کرایا جا رہا ہے۔
ترجمان کا کہنا تھا کہ پیپلز پارٹی اب عجلت میں میئرکا انتخاب کرانا چاہتی ہے، بلدیاتی نمائندگان کی حلف برداری سے پہلے ان کو اغوا کیا جا رہا ہے، پی ٹی آئی اس معاملے پر عدالت سے بھی رجوع کر چکی ہے، میئر کا انتخاب شفاف طریقہ کار سے ہونا چاہیئے
کراچی میں بلدیاتی انتخابات میں کل 246 میں سے 240 نشستوں کے غیر حتمی اورغیرسرکاری نتائج کے مطابق پیپلز پارٹی نے 98، جماعت اسلامی نے87 اور تحریک انصاف نے43 سیٹں جیتی ہیں جب کہ ن لیگ نے 7، جے یوآئی نے 3 ،تحریک لبیک اور آزادامیدوار نے ایک ایک سیٹ جیتی ہے۔