اسلام آباد : پاکستان مسلم لیگ (ق) کے مرکزی سیکرٹری اطلاعات مصطفیٰ ملک نے کہا ہے کہ چوہدری شجاعت حسین ہی پاکستان مسلم لیگ کے آئینی و قانونی صدر ہیں ،الیکشن کمیشن کا فیصلہ انصاف پر مبنی اور چوہدری شجاعت حسین کی اخلاقی فتح ہے
ایک بیان میں ان کا کہنا کہ الیکشن کمیشن کا فیصلہ سیاسی جماعتوں میں جمہوری رویوں کو پروان چڑھانے میں مدد دے گا
جعلی انتخابات کراکے الیکشن کمیشن اور میڈیا کو گمراہ کرنے کی کوشش کی گئی ،چوہدری شجاعت حسین پارٹی کے منتخب صدر ہیں،الیکشن کمیشن اور پارٹی آئیں کے تحت انہیں منتخب کیا گیا تھا ۔لاہور میں بار بار جعلی انتخابات کا ڈھونگ رچایا گیا۔انہوں نے کہا کہ چوہدری وجاہت اور کامل علی آغا کو منتخب کرنے والے الیکشن کمشنر نے بیان حلفی دے دیا تھا کہ تمام کاروائی جعلی تھی
ان کہنا تھا کہ چوہدری شجاعت حسین اور تمام پارٹی کارکنان مبارکباد کے مستحق ہیں ۔چوہدری شجاعت حسین کی قیادت میں پارٹی کو مزید فعال اور متحرک بنائیں گے ۔
