اسلام آباد : مسلم لیگ ن نے پی ٹی آئی کے چیئرمین عمران خان اور سپریم کورٹ کے سابق چیف جسٹس ثاقب نثار کےخلاف الیکشن کمیشن میں ریفرنس دائر کردیا ہے
ریفرنس الیکشن ایکٹ 2017 اور آئین کے آرٹیکل 218 تین کے تحت دائر کیا گیا ہے
ریفرنس مسلم لیگ ن کے رہنما ملک محمد احمد خان اور عطاء تارڑ نے دائر کیا ہے جس میں کرپشن، کرپٹ پریکٹسز پر الیکشن کمیشن سے عمران خان اور ثاقب نثار کے خلاف قانونی کارروائی کی استدعا کی گئی ہے
ریفرنس کے ہمراہ ثاقب نثار کے بیٹے نجم ثاقب کی آڈیو لیک کا متن بھی لگایا گیا ہے، پی ٹی آئی ٹکٹ ہولڈرز کی فہرست، دیگر دستاویزات اور ریکارڈ بھی ریفرنس کے ہمراہ پیش کیا گیا ہے،ریفرنس میں عمران خان، ثاقب نثار، نجم ثاقب ابوذر چوہدری، میاں عزیر، اعجاز احمد چوہدری اور اسد عمر کو بھی فریق بنایا گیا ہے۔
