اسلام آباد:وزیر اعظم شہباز شریف نے اسلام آباد خود کش دھماکے میںشہید ہیڈ کانسٹیبل عدیل حسین اور شہید ٹیکسی ڈرائیور کیلئے امداد کا اعلان کر دیاہے۔
وزیر اعظم شہباز شریف نے اسلام آباد کے سیکٹر آئی ٹین میں خود کش حملے میں شہید ہونے والے اسلام آباد کیپٹل ٹیریٹری پولیس کے ہیڈ کانسٹیبل سید عدیل حسین کو شہداء پیکج دینے کے باقاعدہ احکامات جاری کر دیئے ہیں ۔
وزیر اعظم نے حملے میں شہید ہونے والے ٹیکسی ڈرائیور سید سجاد حیدر شاہ کے لواحقین کو ایک کروڑ روپے کا فنانشل پیکیج دینے کی بھی ہدایت دے دی، ڈپٹی کمشنر اسلام آباد چیک سید سجاد کے لواحقین کے حوالے کریں گے،وفاقی وزارت داخلہ کو اس سلسلے میں ضروری اقدامات کرنے کی ہدایت جاری کر دی گئی۔
