اسلام آباد : قومی اسمبلی نے الیکشن کیلئے فنڈز جاری نہ کرنے کی سٹیٹ بنک کے لئے سفارش کو مسترد کر دیا
قومی اسمبلی کا اجلاس اسپیکر راجہ پرویز اشرف کی زیر صدارت ہوا اجلاس میں قائمہ کمیٹی خزانہ کی رپورٹ پیش کی گئی۔
رپورٹ چیئرمین قائمہ کمیٹی خزانہ قیصر احمد شیخ نے پیش کی جس پر قومی اسمبلی نےکثرت رائے سے الیکشن کمیشن کو 21 ارب روپے فراہم کرنے کا مطالبہ مسترد کردیا۔
وزیر قانون اعظم نذیر تارڑ کا کہنا تھاکہ اس ایوان نے پورے ملک میں ایک ہی روز الیکشن کروانے کی قرارداد منظور کی، سپریم کورٹ نے اسٹیٹ بینک سے کنسولیڈیٹڈ فنڈ سے رقم نکالنے کا حکم دیا تھا، آج قائمہ کمیٹی برائے خزانہ نے معاملہ پر غور کیا، وفاقی کابینہ اور قائمہ کمیٹی نے معاملہ ایوان کو بھیجا۔
قائمہ کمیٹی خزانہ نے آج سپریم کورٹ کے حکم پر سٹیٹ بینک کو 21 ارب روپے جاری نہ کرنے کی منظوری دی تھی جس کے بعد یہ معاملہ کابینہ میں زیر غور آیا اور پھر قومی اسمبلی کو بھجوایا گیا جس نے فنڈز کے اجراء کی منظوری نہ دی اور معاملہ ہی ختم کر دیا ۔
