اسلام آباد: چیف جسٹس سپریم کورٹ سمیت 4 ججز کے خلاف جوڈیشل کونسل میں شکایت دائر کر دی گئی ہے،
سپریم جوڈیشل کونسل میں چیف جسٹس عمر عطا بندیال، جسٹس منیب اختر، جسٹس اعجازالاحسن اور جسٹس مظاہر علی اکبر نقوی کے خلاف شکایت ایک وکیل سردار سلمان ڈوگر ایڈوکیٹ نے دائر کی ہے۔
اس حوالے سے شکایت کنندہ سردار سلمان ڈوگر ایڈوکیٹ نے موقف اختیار کیا ہے کہ چیف جسٹس عمر عطا بندیال سمیت چاروں ججز مس کنڈکٹ کے مرتکب ہوئے ہیں اور آئین کے آرٹیکل 209 کی خلاف ورزی کی ہے۔
سردار سلمان ڈوگر نے استدعا کی ہے کہ چیف جسٹس عمر عطا بندیال سمیت چاروں ججز کو عہدے سے ہٹایا جائے۔
ذرائع کے مطابق شکایت کی کاپیاں سپریم جوڈیشل کونسل کے دیگر ممبران کو بھی ارسال کر دی گئی ہیں.
