مدارسِ رجسٹریشن بل کے معاملے پر بریک تھرو

اسلام آباد:مدارسِ رجسٹریشن بل کے معاملے پر بریک تھرو ہو گیا۔
وزیر اعظم محمد شہباز شریف سے جمعیت علمائے اسلام ف کے امیر مولانا فضل الرحمان کی ملاقات میں برف پگھل گئی ۔

مولانا فضل الرحمان کی تجاویز پر مثبت پیشرفت کا امکان پیدا ہو گیا۔

وزیراعظم نےوزارت قانون کومعاملات جلد حل کرنے کی ہدایت کر دی۔

وزیراعظم کے ساتھ ملاقات میں رکن قومی اسمبلی مولانا عبدالغفور حیدری، سینیٹر کامران مرتضیٰ ،رکن قومی اسمبلی راجہ پرویز اشرف،پیپلز پارٹی کے سینئر رہنما قمر زمان کائرہ، سپیکر قومی اسمبلی سردار ایاز صادق ، نائب وزیراعظم و وزیر خارجہ اسحاق ڈار ، وفاقی وزیر قانون و انصاف اعظم نذیر تارڑ، وفاقی وزیر اطلاعات و نشریات عطاء اللہ، وزیراعظم کے مشیر برائے سیاسی امور رانا ثناءاللہ اور اٹارنی جنرل منصور عثمان موجود تھے۔
مولانا فضل الرحمن نے وزیراعظم کو اپنے تحفظات سے آگاہ کیا اس موقع پر انہوں نے گلے شکوے بھی کیے۔

وزیراعظم نے کہا کہ ہم مولانا فضل الرحمان کو ناراض نہیں کر سکتے، انہوں نے ہدایت کی کہ اس معاملے کو آئین اور قانون کے مطابق حل ہونا چاہیے۔