اسلام آباد: وفاقی وزیرداخلہ محسن نقوی نے پروٹیکٹیڈ صارفین کو ریلیف دینے کیلئے تمام ڈسکوز کا ڈیٹا طلب کرلیا.
پیر کو وفاقی وزیرداخلہ محسن نقوی کی زیر صدارت وزارت داخلہ میں اجلاس منعقد ہوا.
وفاقی وزیرداخلہ محسن نقوی نے پروٹیکٹیڈ صارفین کو نان پروٹیکٹیڈ کیٹگری میں شامل کرنے پر شدید تشویش کا اظہارکرتے ہوئے ایف آئی اے کے تمام ڈائریکٹرزکو ڈسکوز کے ڈیٹا کو چیک کرکے رپورٹ پیش کرنے کی ہدایت کی. وزیرداخلہ محسن نقوی نے 3 روز میں ایف آئی اے ڈائریکٹرز کو تمام شواہد جمع کرنے کا ٹاسک دے دیا.
وفاقی وزیرداخلہ محسن نقوی نے کہا کہ تمام شواہد کی جامع رپورٹ وزیراعظم کو پیش کی جائے گی، پروٹیکٹیڈ صارفین سے زیادتی کا ازالہ کرنا ضروری ہے.
ق وزیرداخلہ محسن نقوی نے ایڈیشنل ڈی جی ایف آئی اے نارتھ کو پشاور۔ لاہور ۔ گوجرانوالہ اور فیصل آباد خود جاکر صورتحال کا جائزہ لینے اور ڈیٹا جمع کرنے کی ہدایت کی اور کہا کہ ایک ایک شواہد کا جائزہ لے کر ذمہ داران کا تعین کیا جائے۔اجلاس میں اوور بلنگ کے ایشو کا جائزہ لیا گیا
ایف آئی اے حکام نے اوور بلنگ پر بریفنگ دی. وفاقی سیکرٹری داخلہ، ایڈیشنل ڈی جی ایف آئی اے ہیڈکوارٹر ،ایڈیشنل سیکرٹری داخلہ،ایڈیشنل ڈی جی ایف آئی نارتھ آور متعلقہ حکام نے اجلاس میں شرکت کی
ایف آئی اے کے تمام ڈائریکٹرز ویڈیو لنک کے ذریعے اجلاس میں شریک ہوئے.
