توانائی کے شعبے میں سرمایہ کاری کیلئے اعلیٰ سطحی کمیٹی قائم

اسلام آباد:توانائی کے شعبے میں 5 ارب ڈالر کی سرمایہ کاری کیلئے 18 رکنی اعلیٰ سطح کمیٹی قائم کر دی گئی ہے ۔
وزیراعظم شہبازشریف کی منظوری سے 18 رکنی کمیٹی کو 12 اہم ترین ٹاسک دیدیئے گئے,نائب وزیراعظم اسحاق ڈار کی سربراہی میں قائم کمیٹی کو 3 ہفتوں میں رپورٹ جمع کروانے کی ہدایت کی گئی ہے ۔
کمیٹی میں 6 وفاقی وزرا، 6 وفاقی سیکریٹری اور چیئرمین ایف بی آر بھی کمیٹی میں شامل ہوں گے،آئل اینڈ گیس کمپنیوں کے نمائندے بھی کمیٹی کا حصہ ہونگے۔
کمیٹی گیس سیکٹر میں گردشی قرضے کو حل کرنے کیلئے تجاویز تیار کریگی۔
کمیٹی سرمایہ کاری کو راغب کرنے کے لیے مالیاتی نظام کا بھی جائزہ لے گی۔کمیٹی ترمیم شدہ پیٹرولیم پالیسی 2012، ٹائٹ گیس پالیسی 2024 کو عملی شکل دیگی
کمیٹی ایل این جی کارگوز کے لیے بینچ مارکنگ پورٹ چارجزکے تعین سے متعقل تجاویز بھی تیار کریگی.
پیٹرولیم ڈویژن کمیٹی کو سیکرٹری معاونت فراہم کرے گا.