وزیرِ اعظم کادہشتگردی کی کوشش ناکام بنانے پر پولیس اور ایف سی اہلکاروں کو خراج تحسین

0

اسلام آباد:وزیرِ اعظم محمد شہباز شریف نے تختہ بیگ، ضلع خیبر میں دہشتگردی کی کوشش ناکام بنانے پر پولیس اور فرنٹیئر کانسٹیبلری کے اہلکاروں کی جرات اور بہادری کو سراہتے ہوئے جامِ شہادت نوش کرنے والے اہلکاروں کو خراجِ عقیدت پیش کیا ہے ۔
پیر کو وزیراعظم میڈیا آفس سے جاری بیان کے مطابق وزیراعظم نےدھشتگردوں سے لڑتے ہوئے وطن کی خاطر جامِ شہادت نوش کرنے والے پولیس اہلکار اعجاز اور ایف سی اہلکار شہزاد کو خراجِ عقیدت کیا ہے اور شہداء کی بلندی درجات اور ان کے اہلِ خانہ کیلئے صبر جمیل کی دعا کی ہے۔وزیراعظم نے کہا کہ افواجِ پاکستان، پولیس اور قانون نافذ کرنے والے اداروں کی پاکستان کے امن کیلئے لازوال قربانیاں ہیں،پاکستانی قوم کو اپنے شہداء اور ان کے اہل خانہ پر فخر ہے. وزیرِ اعظم نے کہا کہ پوری قوم دھشتگردی کے ناسور کے ملک سے خاتمے کیلئے متحد ہے.

Leave A Reply

Your email address will not be published.