راولپنڈی :وزیر اعظم محمد شہباز شریف ایران کے ایک روزہ دورہ پر تہران روانہ ہوگئے۔
نائب وزیراعظم و وزیر خارجہ اسحاق ڈار ، وفاقی وزیر داخلہ سید محسن رضا نقوی ، وفاقی وزیر اطلاعات و نشریات عطاء اللہ تارڑ اور وزیر اعظم کے معاون خصوصی طارق فاطمی بھی وزیراعظم کے ہمراہ ہیں۔
وزیر اعظم شہباز شریف ایران کے سپریم لیڈر آیت اللہ خامنائی،قائمقام صدر ڈاکٹر محمد مخبرسے ملاقات کریں گے اور ایرانی صدرڈاکٹر سید ابراہیم رئیسی ،وزیر خارجہ حسین عامر عبداللیہان اور دیگر کی 19 مئی 2024 کو ہیلی کاپٹر حادثہ میں شہادت پر ان سے پاکستان کے عوام اور حکومت کی جانب سے تعزیت کریں گے۔
