اسلام آباد:وفاقی وزیرداخلہ محسن نقوی نے اسلام آباد میں امن عامہ کو بہتر بنانے اور جرائم پیشہ گینگز کی سرکوبی کا محاذ سنبھال لیا اورآئی جی اسلام آباد پولیس اور پوری ٹیم کو ٹاسک دے دیا۔
وفاقی وزیر داخلہ محسن نقوی کی زیر صدارت اسلام آباد میں امن عامہ کی صورتحال سے متعلق اہم اجلاس ہوا ،آئی جی اسلام آباد پولیس
علی ناصر رضوی نے امن و امان کی صورتحال کے بارے تفصیلی بریفنگ دی۔
اجلاس میں آئی جی اسلام آباد پولیس علی ناصر رضوی سمیت تمام ڈی آئی جیز اور سی ٹی او کی شرکت کی۔
وفاقی وزیرداخلہ محسن نقوی نے منشیات کی خرید و فروخت میں ملوث گینگز کے خلاف بھرپور کریک ڈاؤن کا حکم دے دیا اور کہا کہ جدید ٹیکنالوجی کے ذریعے ایسے گینگز کو قانون کی گرفت میں لایا جائے۔
تعلیمی اداروں کے باہر آئس سمیت دیگر نشہ آور اشیاء کی فروخت کسی صورت برداشت نہیں۔
منشیات فروش ہمارے مستقبل کے دشمن ہیں انکے خلاف سخت ترین ایکشن ہو گا۔
بھکاری مافیا اور پیشہ ور بھکاریوں کے خلاف موثر کارروائی کا حکم دیا گیا ہے جبکہ غیر ملکی شہریوں کی فول پروف سکیورٹی یقینی بنانے کی ہدایت کی گئی ہے۔
اسلام آباد میں غیر ملکی شہریوں کی سکیورٹی کیلئے سپیشل پروٹیکشن فورس بنانے کا اصولی فیصلہ کر لیا گیا ۔
وزیر داخلہ نے کہا کہ ریڈ زون سمیت تمام اہم دفاتر و مقامات کی سکیورٹی پر خصوصی توجہ مرکوز کی جائے،
ایف آئی آر کے اندراج کو 100 فیصد یقینی بنانے کا حکم دے دیا گیا،ایف آئی آر کا اندراج نہ کرنا یا تاخیر کسی طور قبول نہیں۔
ایف آئی آر درج نہ کرنے پر متعلقہ پولیس افسر کے خلاف کارروائی ہو گی۔وفاقی وزیرداخلہ محسن نقوی کا اسلام آباد پولیس کے پروموشن کیسز کو فوری نمٹانے کا بھی حکم
ترقی ملازم کا حق ہے جو اسے وقت پر ملنا چاہیے،پرموشن سے پولیس فورس کے مورال میں بہتری آئے گی،اسلام آباد پولیس میں تمام خالی آسامیوں پر بھرتی کی ہدایت کر دی گئی ہے ۔
سلام آباد پولیس کی تنخواہیں پنجاب پولیس کے برابر کرنے کے لیے اقدامات کئے جائیں گے۔اسلام آباد میں ٹریفک مسائل کے حل کیلئے جامع پلان طلب ،ٹریفک زیادہ جام رہنے والے مقامات کی نشاندہی کرکے قابل عمل حل تجویز کرنے کی ہدایت۔
وزیر داخلہ کا کہنا تھا اسلام آباد سیف سٹی کے نظام کو لاہور سیف سٹی کی طرح جدید تقاضوں سے لیس کرنا ہو گا،اسلام آباد میں تھانوں کی حالت کو بہتر کررہے ہیں، چند مہینوں میں اچھے نتائج ملیں گے۔
