نوشکی واقعہ پر وزیراعظم کا اظہار مذمت ،مجرموں اور ان کے سہولت کاروں کو کڑی سزا دی جائے گی،،شہباز شریف

لاہور : وزیراعظم محمد شہباز شریف نے بلوچستان کے ضلع نوشکی کے علاقے میں قومی شاہراہ 40 پر بس مسافروں کے اغواء کے بعد قتل کے اندوہناک واقعہ کی شدید الفاظ میں مذمت کرتے ہوئے کہا ہے کہ دہشتگردی کی اس واقعے کے مجرموں اور ان کے سہولت کاروں کو قرار واقعی سزا دی جائے گی۔
وزیراعظم نےاس لرزہ خیز واقعہ پر گہرے دکھ اور افسوس کا اظہار کیا۔وزیراعظم نے مقتولین کے لواحقین سے اظہار تعزیت کیا۔وزیراعظم نے مقتولین کے لئے فاتحہ خوانی اور ان کی بلندی ءدرجات کی دعاکی۔وزیراعظم نے کہا کہ رنج کی اس گھڑی میں سوگوار خاندانوں کے ساتھ کھڑے ہیں۔دہشتگردی کی اس واقعے کے مجرموں اور ان کے سہولت کاروں کو قرار واقعی سزا دی جائے گی،دہشت گردی کے عفریت کو جڑ سے اکھاڑ پھینکیں گے ،وزیراعظم نے واقعے کی رپورٹ طلب کرلی۔