اسلام آباد: اسلام آباد اور پشاور سمیت مختلف شہروں میں زلزلے کے جھٹکے محسوس کیے گئے۔
زلزلے کے جھٹکے کوہاٹ، سرگودھا، ایبٹ آباد خوشاب ،چارسدہ،ڈی آئی خان، تلہ گنگ، چکوال ،بنوں، ہنگو، دیامر، پارا چنار، منڈی بہاءالدین، بھکر، نوشہرہ، مظفرآباد،شیخوپورہ، پاکپتن اور گوجرانوالہ میں بھی محسوس کیے گئے۔
- زلزلہ پیما مرکز کے مطابق زلزلے کی شدت 6 ریکارڈ کی گئی جس کا مرکز کوہ ہندوکش افغانستان تھا، زلزلہ 2 بج کر 20 منٹ پر آیا جس کی زیر زمین گہرائی 213کلو میٹرکی تھی۔
زلزلے کے باعث عوام کی بڑی تعداد گھروں اور دفاتر سے باہر نکل آئی۔
