اسلام آباد: حج 2024ء کیلئے قرعہ اندازی کا اعلان کر دیا گیا،ریگولر حج سکیم میں 69 ہزار 438 درخواستیں موصول ہوئی تھیں۔
ریگولر کوٹہ کے مطابق 63 ہزار 805 خوش نصیب عازمین حج کی قرعہ اندازی مکمل۔
قرعہ اندازی میں رہ جانے والے 5633 درخواست گذاروں کی روانگی کے شہروں کے لحاظ سے ویٹنگ لسٹ مرتب کر لی گئی۔
متعلقہ شہروں سے حج درخواست کینسل کروانے والوں کی جگہ ویٹنگ لسٹ پر موجود افراد کو منتخب کیا جائے گا
آج رات تمام درخواست گذاروں کو بذریعہ موبائل میسج، ویب سائٹ اور موبائل ایپ سے اطلاع مل سکے گی۔
سپانسر شپ سکیم 31 دسمبر تک جاری رہے گی۔
درخواست گذاروں میں 56 فیصد خواتین اور 44 فیصد مرد عازمین حج شامل۔پہلی مرتبہ پاکستان میں شارٹ حج کی سہولت دی گئی ہے۔
ہم ہر حاجی کو ایک سوٹ کیس کیو آر کوڈ کے ساتھ ملے گا تاکہ نہ حاجی اور نہ حاجی کا سامان گم ہو۔
تمام خواتین کو پاکستانی پرچم ولا ایک عبایا مفت فراہم کیا جائے گا۔
سات جی بی کا ڈیٹا بھی مفت ملے گا ،کراچی کو روڈ ٹو مکہ میں شامل کرلیا گیا،حج کی مد میں ایک لاکھ روپیہ کم کراوایا گیا ہے۔
ائیر لائن ٹکٹ کو بھی کم کرنے کی کوشش ہو رہی ہے، رعایت حجاج تک منتقل کی جائے گی۔
اس سال حج پالیسی میں 25ہزار سیٹیں سپانسرشپ سکیم میں رکھی گئیں ہیں۔
