وزارت دفاع کی طرف سے 4اپریل کا حکم واپس لینے اور ملک بھر میں ایک ساتھ الیکشن کرانے کے لئے درخواست دائر

اسلام آباد: وزارت دفاع کی طرف سے پنجاب میں الیکشن کرانے کے لئے 4 اپریل کا حکم واپس لینے اور ملک بھر میں ایک ساتھ انتخابات کرانے کےلئے سپریم کورٹ میں درخواست دائر کردی گئی ہے۔

وزارت دفاع کی جانب سے دائر درخواست میں میں کہا گیا ہے کہ سپریم کورٹ اپنا حکم واپس لے اور ملک بھر میں ایک ساتھ انتخابات کا حکم دیا جائے، فیصلہ واپس لینے کیلئے سیکیورٹی صورتحال کو جواز بنایا گیا ہے

وزارت دفاع نے استدعا کی ہے کہ دہشتگردوں اورشرپسندوں کےانتخابی مہم پرحملوں کا خدشہ ہے قومی،بلوچستان اورسندھ اسمبلیوں کی مدت پوری ہونےپرانتخابات کرائےجائیں۔