اسلام آباد:وفاقی وزیر اعظم نذیر تارڑ نے کہا ہے کہ حکومت کسی ادارے کے معاملے میں مداخلت نہیں کرتی ,عدلیہ بھی ایگزیکٹو کے معاملات میں براہ راست مداخلت سے گریز کرے۔
سینیٹ میں وقفہ سوالات کے دوران وزیر قانون کا کہنا تھا کہ ڈیپوٹیشن پالیسی کی گنجائش سروس رولز میں موجود ہے،پہلے تین سال کے لئے ڈیپوٹیشن ہوتی ہے پھر دو سال تجدید ہوتی ہے،سپریم کورٹ نے بھی اپنے فیصلوں میں کہا کہ ڈیپوٹیشن کو معمول۔ نہ بنایا جائے۔
وزیر قانون کا کہنا تھا حکومت کسی ادارے کے معاملے میں مداخلت نہیں کرتی،عدلیہ بھی ایگزیکٹو کے معاملات میں براہ راست مداخلت سے گریز کرے،جرمن حکومت نے 27 جون 2024 سے موثر قانون میں دہری شریعت کی گنجائش فراہم کی ،اس اقدام کے تحت درخواست دہندگان اپنی اصل شہریت کے ساتھ جرمن شہریت بھی برقرار رکھ سکتے ہیں،پاکستان نے جرمنی کے ساتھ دہری شہریت کی منظوری دے دی ہے۔
وزیر قانون کا کہنا تھا کہ پارلیمنٹ سے منظوری کے بعد وہ پاکستانی شہری جنہوں نے ماضی میں اپنی پاکستانی شہریت ترک کر دی تھی اپنی پاکستانی شہریت دوبارہ حاصل کر سکیں گے،پاکستان کے بائیس ملکوں کے ساتھ دہری شہریت کے معاہدے ہیں۔
